تخطي للذهاب إلى المحتوى

طلبك جاهز؟
جواله يرن.

جَرس بديل أجهزة البيجر في المقاهي والمطاعم. العميل يمسح رمز QR عند الكاشير، وأول ما يجهز طلبه يضغط الموظف زر واحد ويرن جوال العميل. بدون تطبيق وبدون تسجيل.

  • 7 أيام مجاناً بدون بطاقة
  • بدون تطبيق للعميل
  • بدون أجهزة
  • تجهيز خلال 5 دقائق
رقم طلبك1042قيد التحضير
أنت الباريستا. جهز الطلب؟
ليش جَرس؟

البيجر يكلفك أكثر مما تتوقع

البيجر التقليدي

  • تشتري الأجهزة وتغيّر البطاريات
  • الأجهزة تضيع أو تنكسر أو تنأخذ
  • تحتاج تعقيم بعد كل استخدام
  • مداها محدود، فالعميل لازم يبقى قريب

مع جَرس

  • بدون أي أجهزة. جوال العميل هو البيجر
  • لا شيء يضيع أو يحتاج تعقيم
  • العميل يرتاح على طاولته بدل الانتظار عند الكاونتر
  • تقارير عن وقت التحضير وأوقات الذروة
جَرس لمين؟

لأي نشاط فيه طابور وانتظار

المقاهي

أوقات الذروة والمشروبات المختصة اللي تاخذ وقتها.

مطاعم الوجبات السريعة

خلاص، لا أحد ينادي على الأرقام.

عربات الأكل

العميل يقدر يجلس بعيد أو ينتظر في سيارته بدل الوقوف عند الشباك.

المخابز ومحلات الحلويات

طلبات خاصة تنجهز على دفعات وتاخذ وقت.

كيف يشتغل

ثلاث خطوات، كل وحدة بثواني

  1. الكاشير يعرض رمز QR

    بعد الدفع يكتب رقم الفاتورة على التابلت ويطلع رمز QR.

  2. العميل يمسح الرمز

    يمسحه بكاميرا جواله وتفتح صفحة طلبه فوراً، بدون تحميل أي شيء.

  3. جاهز؟ رنّ.

    الباريستا يضغط "جاهز"، وتتحول صفحة العميل للأخضر ويرن جواله.

المزايا

كاونتر هادي حتى في وقت الذروة

يشتغل على أي تابلت

آيباد أو أندرويد أو حتى لابتوب الكاشير. افتحه في المتصفح وابدأ.

أي جوال

آيفون أو أندرويد: العميل يمسح بالكاميرا وتفتح صفحة طلبه على طول.

شعارك وألوانك

شاشة العميل تعرض اسم محلك وشعاره، مو شعارنا.

تقارير يومية

عدد الطلبات، متوسط وقت التحضير، وأكثر ساعة زحمة.

فروع متعددة

كل فرع له شاشة كاشير خاصة، وتتابعها كلها من حساب واحد.

تنبيه حتى والجوال مقفل

جوال العميل يرن ويطلع له التنبيه حتى والشاشة مقفلة.

قريباً: الربط مع نقاط البيع في أودو

الطلبات من نقاط البيع في أودو بتوصل جَرس تلقائياً، فما يحتاج الكاشير يكتب رقم الفاتورة.

الأسعار

باقات بسيطة، بدون أجهزة وبدون عقود

جرّب جَرس مجاناً لمدة 7 أيامكل المزايا متاحة وبدون بطاقة. اختر باقتك لما تكون جاهز.
ابدأ التجربة المجانية
عندنا عروض حالياًاضغط اشترك عشان تشوف العروض.اشترك وشوف العروض

محل واحد

59 ريال / شهرياً
  • فرع واحد، طلبات بلا حدود
  • صفحة طلب باسم محلك وشعاره
  • تنبيه على جوال العميل لما يجهز الطلب
  • تقارير وقت التحضير وساعات الذروة
اشترك

فروع متعددة

49 ريال / شهرياً لكل فرع
  • فرعين أو أكثر
  • كل مزايا باقة المحل الواحد
  • إدارة كل الفروع من حساب واحد
اشترك

كل الباقات تشمل تنبيه جوال العميل حتى والجوال مقفل.

الأسئلة الشائعة

قبل ما تشترك

هل فيه تجربة مجانية؟

إيه. جرّب جَرس مجاناً لمدة 7 أيام بكل المزايا وبدون بطاقة. ولما تخلص التجربة اختر باقتك عشان يستمر محلك يرنّ.

هل العميل يحتاج يحمّل تطبيق؟

لا. يمسح رمز QR بالكاميرا وتفتح صفحة طلبه في المتصفح على طول، بدون تحميل وبدون تسجيل.

هل يرن الجوال والشاشة مقفلة؟

إيه. جوال العميل يرن ويطلع له تنبيه حتى والشاشة مقفلة.

وش أحتاج في المحل؟

أي تابلت أو لابتوب فيه متصفح وإنترنت. افتح شاشة الكاشير وابدأ. لا شيء تشتريه أو تثبّته.

هل لازم أربطه بنظام نقاط البيع؟

لا. الكاشير يكتب رقم الفاتورة من نظامك الحالي، فجَرس تشتغل مع أي نظام. والربط مع نقاط البيع في أودو قريباً.

وإذا العميل ما معه جوال أو ما يبي يمسح الرمز؟

ولا يهمك. الطلب يظهر على شاشة الكاشير برقمه، والموظف ينادي عليه مثل العادة.

أقدر ألغي في أي وقت؟

إيه. الباقات الشهرية بدون عقد، وتقدر توقف التجديد متى ما تبي.

انضم لفريقنا

نبحث عن مسؤولي مبيعات ميدانيين. تزور المقاهي والمطاعم، تعرض عليهم جَرس، وتاخذ عمولة على كل بيعة.

قدّم الآن

ابدأ جَرس في محلك اليوم

جرّبها مجاناً 7 أيام بدون بطاقة، أو اختر باقتك واستلم رابط شاشة الكاشير خلال دقائق.